बझाङ / बझाङमा आधारभुत स्वास्थ्य केन्द्र तोडफोड गरेको आरोपमा एक किशोर पक्राउ परेका छन् ।
पक्राउ पर्नेमा जिल्लाकाे सुर्मा गाउँपालिका -२ का १४ वर्षीय अजय बोहरा रहेकाे जिल्ला प्रहरी कार्यालय बझाङले जनाएकाे छ ।
बाेहराले उक्त आधारभूत स्वास्थ्य केन्द्र फाेड्नुकाे कारण भने खुलिसकेकाे छ । उनले कणडमलाई वेलुन बनाएर उडाउनका लागि स्वास्थ्य केन्द्र आफूले फाेडेकाे प्रहरी सामु बयान दिएका छन् ।
प्रहरीका अनुसार किशोरले अन्य सामानहरू केही नगरेको र तीन पाकेट कण्डम मात्र चोरेर बेलुन बनाएकाे बताएका छन् ।साथै कण्डम उडाएर मनोरञ्जन समेत लिएको किशारकाे बयान छ ।
बाेहराले सार्वजनिक सम्पत्ति तोडफोड गरेकाले उनी कानुन कार्वाहीमा मुछिने भएका छन् ।
उक्त आधारभूत स्वास्थ्य केन्द्र बुधबार रातिकाे समयमा ताेडफाेड भएकाे हाे । ताेडफाेड हुँदा कम्प्युटरकाे सिपियु,कण्डमा लगायतका विभिन्न चिजवस्तुमा क्षति पुगेकाे स्वास्थ्य केन्द्रकाे अडान छ ।
