कञ्चनपुर/ कञ्चनपुरका उदयमान कवि प्रचण्ड भाष्कर कलौनी (गुणाकर) कलिलै उमेरमा अस्ताएका छन् । उनकाे २९ वर्षको उमेरमा निधन भएकाे छ । आज( शुक्रबार) भीमदत्त नगरपालिका–१७ मझगाँउ आफ्नै निवासमा निधन भएको पारिवारक स्रोतले जनाएकाे छ ।
उनी एक वर्षदेखि घाँटीको क्यान्सर रोगबाट ग्रसित थिए ।
क्यान्सरबाट ग्रसित भएपछि उनको काठमाडौँ र भारतको दिल्लीसहित विभिन्न ठाउँका अस्पतालमा उपचार गरिएको पारिवारिक स्राेतले जनाएकाे छ । तर विभिन्न अस्पतालमा उपचार गर्न सम्भव नभएपछि उनलाई घर ल्याएकाे थियाे ।
प्रचण्डकाे पूर्खेउली घर बैतडीको शिवनाथ गाउँपालिका–२ शर्मालीमा हाे । उनले साेहि ठाउँ जन्म लिएका हुन् ।
त्यसपछि कवि प्रचण्ड उच्च शिक्षाका लागि कञ्चनपुर जिल्ला आएका थिए।
उनले छोटो समयमै डोट्याली र नेपाली भाषाका कविता सिर्जना गरेका छन् ।
