बझाङ / बझाङमा कुटपिट भएका स्वास्थ्यकर्मीलाई धनगढी रेफर गरिएकाे छ ।
हिजाे (मंगलबार) जिल्लाकाे जयपृथ्वी अस्पताल प्रा.लि चैनपुरको फार्मेसीमा कार्यरत स्वास्थ्यकर्मी मदन खड्का माथि अभद्र व्यवहारसहित कुटपिट भएकाे थियाे । खड्काकाे बाँया कानमा चोट लागेकाले जिल्ला अस्पताल बझाङमा सामान्य उपचार पश्चात थप उपचारको लागि धनगढी रिफर रिएकाे छ । उनकाे अवस्था अहिले भने मध्यम खालकाे रहेकाे छ ।
अस्पतालमा कार्यरत स्वास्थ्यकर्मी तथा फार्मासिष्ट खड्काले स्वास्थ्यकर्मीकाे सल्लाह बिना औषधी दिन सकिन्न भनेपछि उनीमाथि अभद्र व्यवहारसँगै कुटपिट भएको जिल्ला प्रहरी कार्यालय बझाङले जनाएकाे छ ।
स्वास्थ्यकर्मी खड्कामाथि कुटपिट गर्नेमा जयपृथ्वी नगरपालिका–१० चैनपुका सुदिप सुनार र सन्तोष कुँवर लगायतका व्यक्ति रहेकाे प्रहरी स्राेतले जनाएकाे छ । कुटपिट गर्ने उनिहरू दुबै जना प्रहरी नियन्त्रणमा रहेका छन् ।
जयपृथ्वी अस्पतालले प्रेस विज्ञप्ती जारी गरे अनुसार दसैैंको सार्वजनिक बिदाको दिनमा नागरिकको स्वास्थ्य सेवारथ ड्युटिमा खटिएका स्वास्थ्यकर्मीमाथि कुटपिट भएको भन्दै आपत्ति जनाएकाे छ ।
घटनाकाे विषयमा थप अनुसन्धान भैरहेकाे प्रहरीले जनाएकाे छ ।
