डाेटी / इजरायल युध्दमा मृत्यु भएका मध्ये ४ वटा शव सुदुरपश्चिम पुगेपनि उक्त युध्दमा परि मृत्यु भएका डाेटीका दुई सहित ६ जनाकाे शव पहिचान कै क्रममा रहेकाे छ ।
इजरायलमा प्यालेस्टिनी लडाकू समूह हमासको आक्रमणमा परी मृत्यु भएका नेपालीहरुमध्ये काठमाडौं ल्याईएका चार जनाको शव आज दिउसाे धनगढी ल्याईएकाे हाे । उक्त हमलामा मृत्यु भएका डोटीका शिखर नगरपालिकाका राजन फुलारा र आर्दश गाउँपालिका लामिखालका पदम थापाकाे शव अहिले सम्म पहिचान हुन सकेकाे छैन । बाकी रहेकाे ६ शव पहिचानका लागि डिएनए परिक्षण गर्नु पर्ने देखिएकाे छ । आबश्यक प्रकृया पुराई केही दिनमा उनीहरुकाे शव नेपाल ल्याईने नेपाल सरकारले जनाएकाे छ ।
दार्चुला मालिकार्जुन-४ का लोकेन्द्रसिंह धामी, दार्चुला लेकम-५ का दीपेशराज विष्ट, कैलाली घोडाघोडी-४ का नारायणप्रसाद न्यौपाने तथा कैलाली बौनियाँ-३ का आशिष चौधरी गरि चार जनाकाे शव धनगढी पुराईएकाे हाे ।
इजरायलस्थित नेपाली राजदूतावासका अनुसार अन्य ६ जना नेपालीको शव भने पहिचान गर्ने र पठाउने प्रक्रिया पूरा गर्न अझै केही दिन लाग्ने भएको छ ।
