डाेटी   / नवरात्रको आठौं दिन, महाष्टमी, आज महागौरी देवीको पूजा–आराधना गरिँदैछ भने डाेटीकाे सिलगढी स्थित कालिका मन्दिरमा भक्तहरु बाक्लाे भिड लागेकाे छ ।

महागौरी भगवती दुर्गाको आठौं स्वरूप हो। अघिल्लो दिन आराधना गरिने कालरात्रिको विपरीत महागौरी गोरो वर्णकी र शान्त स्वरूपकी छिन् । शिवकी शक्ति महागौरीलाई शाम्भवी पनि भनिन्छ । साँढेमा बसेकी यिनले एक हातमा त्रिशुल र अर्को हातमा डमरु लिएकी छिन् । अरु दुई हातले अभय र शान्त मुद्रा प्रदर्शन गरेकी छिन् ।

देवीको आराधनाका लागि नवरात्रको अष्टमी विशेष मानिएको छ । यो दिन मध्यरातमा दशैंघर तथा शक्तिपीठमा ‘कालरात्रि’ गरिन्छ । आफ्ना परम्परामा ग्राह्य पशुहरूको बलिसहित विशेष पूजा आराधना गरिन्छ । अष्टमीदेखि शक्तिपीठमा हुने घुइँचोसमेत बढ्छ ।​

आज प्रशिध्द शैलेश्वरी मन्दिर परिषरमा रहेकाे चण्डेश्वरी, कालिका मन्दिर, दिपायल स्थित काेट भैरब मन्दिर, जिल्लाका विभिन्न स्थानमा रहेका कालिका मन्दिर भवानी मन्दिर, भैरब मन्दिरहरुमा विशेष पुजा आर्चना हुदैछ ।

चण्डेश्वर मन्दिरमा सयाैकाे संख्यामा बाेकाकाे बली हुने प्रचलन रहेकाे र आज विहान देखि पुजा संगै बाेका बली समेत सुरु भएकाे स्थानिय कृष्ण श्रेष्ठले बताए । श्रेष्ठले भने – परम्परागत रुपमा चण्डेश्वरी मन्दिरमा विशेष पुजा र पशु बली हुन्छ । सिलगढीका स्थानिय संगै यश क्षेत्रमा बसाेवास गर्नेहरुले घरघरबाट बली दिने प्रर्था रहेकाे छ।

महाष्टमीमा महाकालीको विशेष पूजा हुन्छ । भैरवहरूको विशेष पूजा पनि यही दिन हुन्छ । तान्त्रिक विधानअनुसार शस्त्रअस्त्र (हातहतियार) को पूजा गर्ने चलन पनि छ । नवरात्रका दिन नसक्नेले यो दिन दुर्गा सप्तशती पूरै पाठ गर्छन् ।