डाेटी / हिन्दुधर्मालम्वीहरुकाे प्रमुख पर्व बडादशै सुरु भएकाे छ । दशै भन्ने बित्तिकै मासु र मासुका परिकार भन्ने पर्यावाची झै बनिसकेकाे छ । पर्वका नाममा अत्याधिक मासु सेवन गर्दा समस्या आउन सक्छ ।
मासु तथा मासुका परिकार सेवन गर्दा ध्यान दिन मासु विज्ञहरु सुझाउन्छन् । दीर्घरोगीले मासु खाँदा विष सेवन जस्तै बन्न सक्ने हुँदा समेसम्म दीर्घरोगी शाकाहारी नै बन्नु राम्रो चिकित्सकहरु सुझाव दिन्छन् ।दिर्घराेगीले मासुका परिकार बनाउँदा प्राय तेलमा तारेको, भुटेको, सेकाएको र मसालेदार मासु खाँदा स्वास्थ्यलाई झन खतरा हुन्छ ।
कहिलेकाहीँ जिब्रोको स्वाद फेर्ने भन्दै दीर्घरोगीले पेट भरिसकेपछि पनि स्वादिलो चिज भने थपीथपी खाने खाने गर्छन् । यस्तो बानी स्वास्थ्यका लागि हानिकारक हुने स्वास्थ्य विज्ञहरु बताउन्छन् । दीर्घरोगीले मासु खानै परेमा चिकित्सकको सल्लाहमा चिल्लो, मसला कम राखेर साधारण तरिकाले पकाएर खानुपर्छ ।
फ्रिजमा ताजा मासुलाई ४८ घण्टासम्म राख्न गर्न सकिन्छ । फ्रिजमा मासु राख्दा छोपेर राख्ने गर्नुपर्छ । साथै काँचो र पाकेको मासु एकै ठाउँमा राख्नुलाई पनि स्वास्थ्यका दृष्टीकाेणबाट हानिकारक मानिन्छ । त्यस्तै मासु पकाएर धेरै दिन राख्नु हुँदैन । केही गरी फ्रिज बन्द भएको अवस्थामा फ्रिजमा राख्दा मासु विषसमान हुन सक्छ । त्यो समयमा ब्याक्टेरियाले विषाक्त बनाउने भएकाले त्यस्तो मासु खाँदा ठूलो समस्या आउँछ । बडादशै आआफ्नाे परम्परा अनुसार मनाउदा मासु तथा मासुका परिकार सेवन गर्दा ध्यान पुराउन राम्राे हुन्छ । बडादशैकाे सबैमा हार्दिक मंगलमय शुभकामना ।
