माेहन ठकुल्ला
डाेटी,
दशैँकाे पूर्वसन्ध्यामा जिल्ला सदरमुकाम सिलगढीमा अबस्थित बैंकहरूमा सर्वसाधारणहरूकाे लाइन लाग्ने गरेकाे छ ।
हिजो (आइतबार ) घटस्थापना सुरू भएसँगै आज ( साेमबार) बिहानै देखि सिलगढिमा अबस्थित बैंकहरू राष्ट्रिय वाणिज्य बैंक , कृषि विकास बैंक, एनएमपी बैंक लगायतका वित्तीय संस्थाहरूमा भिडभाड रहेकाे छ। त्यसैमाथि जिल्ला सदरमुकाम सिलगढी भाैगाेलिक दुरीका हिसाबले ग्रामीण भेगका कुनै कुनै ठाउँबाट एकदिनकाे बाटाे छ ।
आज बिहानैदेखि सामाजिक सुरक्षा भत्ता लिने, बाहिरी देशबाट खातामा आएकाे रकम झिक्नेहरूकाे बैकमा लर्काे लाग्ने गरेकाे कृषि विकास बैक डाेटीका एकजना सुरक्षा कर्मीले बताए । दसैं नजिकिँदै गर्दा पैसा झिक्नेको संख्या बढेकाले पनि भिड बढेको बैंकरहरु बताउँछन् ।
बैकका कर्मचारीहरू भन्छन् ” प्रायः खेतीपाती भित्र्याउने समयमा बैंकमा ग्राहकहरू कम हुने गर्छन् । याे वर्ष दशैकाे दाेस्राे दिनमै पैसा झिक्ने पठाउनेहरूकाे भिडभाड हुन थाले छ ।
दिपायल सिलगढी नगरपालिका- ८ गाेदडाका सामाजिक सुरक्षा भत्ता लिन आएका ७९ वर्षीय सगराम साँउद भन्नू हुन्छ ” आज बिहानै १० बज्या लाइन लागेकाे बाबु २ बज्याे पालाे आगाे छैन् “बैंकमा भिडभाड भएका कारण ४/५ घण्टा पालाे कुरेर बस्नु परेकाे उहाँले बताउनु भयाे । साँझ ढिलाे हुँदा गाडि छुटेपछि २/३ घण्टा पैदलयात्रा गेरर घर पुग्नु पर्ने उहाँले बताउनु भयाे ।
उहाँ फेरि भन्नू हुन्छ ” बुढाे भएपनि काम गरेर खानै पर्छ खेतीपाती सिमट्ने बेलामा बैंकमा आउदा दिनभरी लाइन बस्नु परेकाे गुनासाे गर्नु भएकाे छ ।
त्यस्तै दिपायल सिलगढी कलेना ६० वर्षिय गाेरे काेलीका अनुसार दिनभरी बैंकमा लाइन लाग्दा , घरायसी कामकाजमा बाधा पुग्ने गरेकाे बताउनु भयाे ।
