बैतडी / बैतडीकी एक किशोरी बेपत्ता भएकी छन् ।
जिल्लाको सुर्नया गाउँपालिका -८ दोराकी २० बर्षीया कल्पना महरा पाँच दिनदेखि बेपत्ता भएकाे जिल्ला प्रहरी कार्यालय बैतडीले जनाएकाे छ । उनी गएको बिहीबारदेखि बेपत्ता रहेकी पारिवारिक श्रोतबाट खुल्न आएकाे छ । उनी दिउसाे गोठाला गएकी गएकी थिइन् । तर अहिलेसम्म सम्पर्कमा नआएकी आमा मानमती महराले बताइन् ।
महराकाे बिषयमा आफन्त, इष्टमित्रहरुसंग सोध्दा समेत कतै बाट पनि सम्पर्कमा नआएपछि आइतबार परिवारले प्रहरीचौकीमा निवेदन दिएका छन् । गहुँगोरो वर्ण भएकी कल्पनाले कालो सुरुवाल र सेतो बुट्टा भएको सुट लगाएकी भनेर दिवेदनमा उल्लेख गरेकाे प्रहरीले जनाएकाे छ ।
महरा कैलपाल माध्यमिक विद्यालयमा कक्षा ९ अध्ययनरत थिइन् । उनलाइ कहिलेकाँही मुर्छा पर्ने र बेहोस हुने लक्षण समेत रहेकाे खुल्न आएकाे छ ।
बेपत्ता भएकी कल्पनाको खोजी कार्य भइरहेको जिल्ला प्रहरी कार्यालय बतडीले जनाएको छ ।
