कैलाली / आउदै गरेकाे दशैँ तिहार मुखैमा भारतीय सिमा वनगाउँमा सामान किन्न गएकी वृद्ध महिलालाई ठक्कर दिएकाे छ । भारतीय नम्बर प्लेटको मोटरसाइकले टक्कर दिँदा वृद्ध घाइते भएकी छन् भने चालक फरार भएका छन्।
धनगढी–३ बोराडाँडीकी ६८ वर्षीया देवकी धानुकलाई मोटरसाइकले ठक्कर दिएकाे हाे । उनी दैनिक उपभोग्यका सामग्री किन्न भारतको वनगाउँ गएकी थिइन् । वनगाउँबाट गौरिफण्टा नाकासम्म यात्रु ओसार्ने काम गर्दै आएका मोटरसाइकल चालकले हिड्दै गरेको अवस्थामा ठक्कर दिएर फरार भएको घाइते महिलाका छोरा प्रकाश धानुकले बताए।
दुर्घटनामा परी आमाको हात र खुट्टा भाँचिएको उनले बताए। हाल धनगढी स्थित मायामेट्रो अस्पतालमा आमाको उपचार भइरहेको छ।
