दार्चुला / दार्चुलाको नौगाड गाउँपालिका ४ बाट प्रहरीले भरुवा बन्दुकसहित एक जनालाई पक्राउ गरेको छ ।
अपि नाम्पा संरक्षण क्षेत्रभित्रको वनबाट सिकार खेलेर फर्किने क्रममा प्रहरीले एकनाल भरुवा बन्दुकसहित स्थानिय बिक्रमसिँह धामीलाई पक्राउ गरेको प्रहरीले जनाएको छ ।
जिल्लाको नौगाड गाउँपालिकाका स्थानीय धामीलाई सिप्टी प्रहरी चौकीबाट खटिएको प्रहरी कमाण्डर रामबहादुर बोहरा टोलीले धामीलाई पक्राउ गरेको हो ।
पक्राउ परेका धामीलाई जिल्ला प्रहरी कार्यालय दार्चुला पुराईएको र उनीविरुद्ध प्रहरीले हातहतियार खरखजनाको मुद्धा चल्ने जिल्ला प्रहरी कार्यालय दार्चुलाका प्रहरी निरीक्षक एवं सूचना अधिकारी सुरेन्द्रप्रसाद जोशीले जानकारी दिए ।
