बैतडी / जिल्लाको सिगास गाउँपालिकाकी १७ वर्षीया किशोरी बलात्कारको आरोपमा प्रहरीले शिक्षक सहित तीनजनालाई पक्राउ गरेको छ ।
किशोरीमाथि पटक पटक बलात्कार गरेको आरोपमा मंगलवार दिउसो शिक्षक खडकबहादुर बोहरा, गाउँपालिकामा कार्यरत कर्मचारी केशव बोहरा र स्थानीय रामसिंह बोहराले नियन्त्रणमा लिएको बैतडीका प्रहरी प्रमुख प्रहरी नायब उपरीक्षक नारायणप्रसाद अधिकारीले जानकारी दिए ।
प्रहरीले घटनाका बारेमा सुक्ष्म अध्ययन गरिरहेका जनाएको छ । अपराध प्रमाणीत भए मुलुकी अपराध संहिता, २०७४ को परिच्छेद १८ मा १८ वर्षभन्दा कम उमेरका महिलालाई ललाइफकाई वा महिलाको मञ्जुरी लिएर करणी गरेमा समेत कानूनी कारवाही हुने उल्लेख छ । कानूनअनुसार १६ वर्ष वा सोभन्दा बढी १८ वर्षभन्दा कम उमेरकी महिलामाथि करणी गरेमा १० देखि १२ वर्षसम्म कैद सजाय हुने हुन्छ । किशोरीले विहे गरेको ६ महिनामा नै बच्चा जन्माए पछि घटना ढिला गरि बाहिर आएको बताईएको छ ।
