डाेटी / नेपाली काँग्रेस डोटीकाे महासमिति सदस्य निर्वाचन मतपरिणाम आएकाे छ ।
आज ( बिहिबार ) सम्पन्न निर्वाचन मतपरिणाम अनुसार उक्त
महासमिति सदस्यमा नेपाली कांग्रेस डाेटीका शक्तिशाली नेताहरू नै पराजित भएका हुन् ।
महासमिति सदस्यकाे मतपरिणाम अनुसार खुला तर्फबाट संविधान सभा हुँदै प्रदेश सभा सांसद समेत भएका भरतबहादुर खड्का ३०४ मतमात्र ल्याएर पराजित भएका छन् । त्यसैमाथि उनी नेपाली काँग्रेसका ठूला नेता मानिन्छन् ।
त्यस्तै दुई पटक संविधान सभा सदस्य रहनु भएकी दलित तर्फबाट उम्मेदवार रहेका कल्पना सोव १७२ मत ल्याएर हारेकी छन् । खस आर्य तर्फबाट उम्मेदवार रहेका राज्यमन्त्री भक्तबहादुर बलायरले ३२० मत मात्र ल्याइ उनी पनि पराजित भएका छन् ।
त्यस्तै वर्तमान पुर्विचौकी गाउँपालिकाका अध्यक्ष रामप्रसाद उपाध्याय ३०९ मत मात्र ल्याएर पराजित भएका छन् भने खुला तर्फबाट उम्मेदवार रहेका अन्तिम सांसद यज्ञराज पाठकले १७५ मत ल्याइ पराजित हुनुपरेकाे छ । यी सबै महासमिति सदस्य उमेदवारकाे मत परिणाम हेर्दा युवाहरूले संगठनका आरम्भ कर्तालाई पराजित गराएकाे देखिन्छन् ।
उक्त चुनावमा लालबहादुर बिक सबै भन्दा बढी ५ सय ६२ मत प्राप्त गरि निर्वाचित भएका छन् । त्यसपछि जीत बहादुर खड्का ५ सय ५ मत प्राप्त गरि विजयी भएका छन् ।
त्यस्तै ४ सय ६३ मतका ल्याएर सीताराम जोशी, लोकेन्द्र बहादुर शाही ४ सय, पुष्प कुमार शाहीले ३ सय १३, पदमराज जोशीले ३ सय ११ मत ल्यायी विजयी हाँसिल गरेका छन् ।
महिला उम्मेदवारबाट धौली देवी रावल र प्रसिस महरा विजयी भएकी छन् । रावलले ५ सय ३ सय मत ल्याएकी छन् भने महराले ३ सय ८८ ल्याएर विजयी भएकी हुन् । पार्वती चन्दले भने ३ सय ३३ मत मात्र ल्याएकी थिइन् । खस आर्य तर्फ मिनादेवी विष्ट विजयी भएकी छन् । विष्टले ५ सय ४१ मत ल्याएकी थिइन् । उनीसँग प्रतिस्पर्धामा उत्रेकी हरिमाया भट्टले १ सय ५६ मत ल्याएकी थिइन् । खस आर्य पुरुष तर्फ ४ जना विच भएको सोपान सिंह बोहराले ४ सय १७ र लक्ष्मण बहादुर सिंहले ३ सय ८८ मत ल्याइ निर्वाचित भएका छन्
उक्त महासमिति सदस्यका लागि ११ पदकाे सिट थियाे तर २४ जना चुनावी मैदानमा उत्रिए ।
