
बझाङ / बसकाे यात्रामा धनगढी बाट बझाङ आउने क्रममा एक दम्पतीको गरगहना चाेरिएकाे छ ।
जिल्लाकाे जयपृथ्वी नगरपालिका – ३ पडेस घर भएका बिनोद खड्काको करिब २ लाख बराबरको गहना चोरी भएको हाे ।
खड्का यहि असाेज २२ गते धनगढी बाट बझाङ आइरहेको सुदुरपश्चिम यातायातको १९८२ नम्बरको बसबाट चाेरी भएकाे जिल्ला प्रहरी कार्यालय बझाङले जनाएकाे छ ।
रातिको बसकाे यात्रामा बझाङ आउदै गर्दा झोलामा भएको सुनको माइलि तिलहरी,१ जोडी झुम्का, खन्टो, औंठि ,सानोतिलहरी गरि २५ ग्रामका गरगहना चाेरी भएकाे खड्काले बताएका छन् । झाेला सिटमाथी राखेको र बिहान चैनपुर बसपार्कबाटमा हेर्दा चारी भएका बताएका छन् ।
खड्काले सबै यात्रुलाई साेधपुछ गर्दा पनि चोर पत्ता नलाग्ने भएपछि तत्काल प्रहरी कार्यालयमा गएर निवेदन दिएका छन् ।
जिल्ला प्रहरी कार्यालय बझाङका अनुसार गाडी बाट लोकल यात्रु चढ्ने ,झर्ने गरेकाले अनुसन्धानमा अप्ठ्यारो भएको प्रहरीले जनाएको छ ।