बैतडी / बैतडीका स्थानीय पाठ्यक्रम तयार पारेर पठनपाठन गरिएकाे छ ।
आधारभूत तह कक्षा १देखि ८ सम्म स्थानीय पाठ्यक्रम निर्माण गरेर जिल्लाकाे शिवनाथ गाउँपालिकाले पठनपाठन सुरू गरेकाे हाे ।
गाउँपालिकाका अनुसार कक्षा १ देखि ३ सम्म आधारभूत तहको पाठ्यक्रम यसअघि नै निर्माण गरेर पठनपाठन सुरू गरेकाे जानकारी दिएकाे छ । त्यस्तै कक्षा ४ –५ ,कक्षा ६–८ को स्थानीय पाठ्यक्रम निर्माण गरेकाे जानकारी दिएकाे छ ।
विज्ञहरूकाे समूहले तयार गरेकाे उक्त पाठ्यक्रममा शिवनाथ गाउँपालिका भित्रका सामाजिक, भौगोलिक, पर्यटकीय, धार्मिक लगायतका कुराहरूलाई समेटिएको छ । साथै स्थानीय कला, संस्कृति, भेषभूषा, सामाजिक परिवेश, धार्मिक पर्यटकीय क्षेत्र, प्राकृतिक सम्पदा आदि समेटिएकाे गाउँपालिकाले जनाएकाे छ ।
साथै शिवनाथको मात्रै नभएर सुदूरपश्चिमका विभिन्न संस्कृति, चालचालन, चाडपर्व, धार्मिक सम्पदा, प्राकृतिक सम्पदाहरुकाे बारेमा पनि वर्णन गरिएको छ । जिल्लाकाे अन्य स्थानीय तहहरूले पनि पाठ्यक्रम तयार गरेर पठनपाठन थालेका छन्।