डडेल्धुरा– डडेल्धुरामा एक मदिरा पसलमा आगलागी भएकाे छ । जिल्ला सदरमुकाम अमरगढी नगरपालिका ४ तल्लो खलंगाका कमल गुरुङको मदिरा पसलमा गएराती मध्यरातमा आगलागी भएको जिल्ला प्रहरी कार्यालय डडेल्धुराले जनाएकाे छ ।
उक्त आगलागीबाट पसल सञ्चालक गुरूङकाे शरीरको बाहिरी भाग जलेर घाइते भएका छन् । उनकाे हात र खुट्टामा पनि जलन भएकाे छ । घाइते गुरूङकाे डडेल्धुरा अस्पतालमा उपचार भइरहेको प्रहरी स्राेतले जनाएकाे छ ।
आगलागी हुने बितिक्कै दमकल घटना स्थल पुगेर आगो नियन्त्ररणमा लिइएको थियाे । आगलागीबाट पसलमा के कति क्षति भयो भन्ने कुराकाे एकिन जानकारी आउन बाँकी छ । प्रहरीले घटना स्थलमा पुगेर आवश्यक अनुसन्धान गरिरहेकाे जानकारी दिएकाे छ ।
