डोटी / इजरायलको किवुज अलुमिममा विद्रोही समुहको आक्रमणबाट मृत्यु भएका व्यक्तिका परिवारलाई राहत स्वरुप सुदूरपश्चिमका प्रदेश सरकारले जहनही २ लाख रुपैयाँ दिने घोषणा गरेको छ ।
आज सुदुरपश्चिम प्रदेश सरकारका मुख्यमन्त्रीले एक विज्ञप्ती जारी गर्दै त्यस्तो घोषणा गरेका हुन् । उक्त घटनामा परि नेपालका १० विद्यार्थीहरुको मृत्यु भएको छ जसमा सुदुरपश्चिम प्रदेशका ७ जना रहेका छन् ।
विज्ञप्तीमा भनीएको छ आक्रमण बाट दिवङ्गत हुनुभएका सुदूरपश्चिम प्रदेशका विद्यार्थीका परिवारलाई सुदुरपश्चिम प्रदेश सरकारको तर्फबाट प्रति विद्यार्थी राहत स्वरुप रु २ लाख उपलब्ध गराईने छ ।
उक्त विज्ञप्तीको अन्तिम हरफमा भनीएको छ, इनरायलमा सम्पर्क विहिन तथा घाईते विद्यार्थीहरुको शीघ्र खोज तथा उद्धार गरी सुरक्षित स्थानमा स्थानान्तरणका साथै नेपाल फर्कन ईच्छुक नेपालीहरु र निधन भएका नेपालीहरुको शव फिर्ता गराउने कार्यका लागी सम्माननीय प्रधानमन्त्री ज्यु, परराष्ट्र मन्त्रालय, इजरायल सरकार र इजरायल स्थित नेपाली राजदुतावासलाई अनुरोध गर्दछु ।
