
इजरायल / इजरायल प्यालेस्टायनी कट्टरपन्थी समूह हमासले गरेको आक्रमणमा परी डाेटीका २ जना सहित १० जना नेपालीको मृत्यु भएको छ । त्यस्तै उक्त आक्रमणमा परि तीन जना घाइते भएका छन् भने एक जना सम्पर्क विहीन भएका छन् ।
इजरायलस्थित नेपाली राजदूतका अनुसार ज्यान गुमाउनेमा घोडाघोडी–४ कैलालीका नारायण न्यौपाने, बझाङको जयपृथ्वी नगरपालिका- ११ भोपुरका अन्दाजी २५ वर्षिय गणेश कुमार नेपाली, बाैँनिया–३ कैलालीका आशिष चौधरी, लेकाम–५ दार्चुलाका दिपेशराज विष्ट, सपही–६ धनुषाका आनन्द साह र मधुवान–१ सुनसरीका राजेशकुमार रहेका छन् ।
त्यसैगरी डाेटीकाे शिखर नगरपालिका-६ पचनालीका राजन फुलारा, आदर्श गाउँपालिका -५ लामिखाल डोटीका पदम थापा, सारदा–३ सल्यानका प्रवेश भण्डारी र मालिकार्जुन–४ दार्चुलाका लोकेन्द्र सिंह धामीको उक्त आक्रमणमा परि मृत्यु भएको छ ।
त्यस्तै सारदा–२ सल्यानका विधान सेजुवाल, दगिशरण–३ दाङका प्रविण डाँगी घाइते भएका छन् । उनीहरू दुबै जनाकाे खट्टामा गम्भीर चोट लागेकाले त्यहाँकाे स्थानीय स्वास्थ्य उपचार केन्द्रमा उपचार भैरकाे इजरायलस्थित नेपाली राजदूतले जानकारी दिएकाे छ ।
गोरखा–८ गोरखाका हिमाञ्चल कट्टेलको पनि उपचार भइरहेको छ । टीकापुर–९ कैलालीका धनबहादुर चौधरी उपचारपछि अस्पतालबाट डिस्चार्ज भएका छन् ।
त्रिवेणी–१ सल्यानका प्रमोद केसी फार्म हाउस मामिकको घरमा सुरक्षित छन् भने भजनी त्रिशक्ति–४ कैलालीका वीरेन्द्र चौधरी इजरायलको सुरक्षा पोष्टमा सुरक्षित अवस्थामा छन् ।
त्यस्तै भिमदत्त नगरपालिका -३ कञ्चनपुर बिपिन जाेशी सम्पर्क बिहिन अबस्थामा रहेका छन् ।
मृतक १० जनाको शव नेपाल पठाउन व्यवस्थापन मिलाइरहेकाे नेपाली दुतावासले जनाएकाे छ । अन्य घाइते र बंकरमा सुरक्षितहरुलाई पनि चाँडोभन्दा चाँडो उद्दार गर्ने प्रयास भैरहेको जानकारी दिएकाे छ ।