
शुशीला पन्त, डोटी / सोमबार १७ औ निजामती सेवा दिवशको अबसरपारी यस वर्ष पनि निजामित सेवामा कार्यरत राम्रो काम गर्ने कर्मचारीहरुलाई पुरुस्कृत हुनेको नाम घोषणा गरिएको भए पनि सूदूरपश्चिम प्रदेशबाट एक जना पनि उत्कृष्ट कर्मचारीका रुपमा सम्मानित हुन सकेका छैनन् ।
पुरुस्कार समितिले हरेक वर्ष मुलुक भरबाट सर्वोउत्कृष्ट, उत्कृष्ट र निजामति सेवा पुरुस्कारबाट राष्टसेवकहरुलाई सम्मान स्वरुप पुरुस्कृत गर्दै आएको भए पनि यस वर्ष मुलुक भरमा एक जना पनि सर्वोत्कृष्ट कर्मचारी भेटेको छैन । मुलुकभरबाट १० जना उत्कृष्ट कर्मचारी पुरुस्कृत भए पनि सुदूरपश्चिम प्रदेशबाट एक जना पनि पर्न सकेका छैनन् ।
निजामती सेवा पुरुस्कारबाट समितिले मुलुकभरका ३० जना निजामति कर्मचारीलाई पुरुस्कृत हुने भए पनि सुदुरपश्चिम प्रदेशका कुल २ जना मात्र पुरुस्कृत भएका छन् । पुरुस्कृत हुनेमा श्रम तथा रोजगार कार्यालयमा कैलालीमा कार्यरत नायब सुब्बा जय देब विष्ट र जिल्ला प्रशासन कार्यालय बाजुरामा कार्यरत लेखापाल लाल वहादुर विष्ट रहेको संघिय मामिला तथा सामान्य प्रशासन मन्त्रालयले जनाएको छ ।