डाेटी / डाेटीमा रहेको शिव शिखर बहुउद्देश्यीय सहकारी संस्था लिमिटेड सिल गरिएको छ ।
शुक्रबार जिल्ला प्रशासन कार्यालय डोटीले दिपायल सिलगढी नगरपालिका -४ पिपल्ला बजारमा अबस्थित उक्त सहकारी संस्थालाई सिल गरेको जिल्ला प्रशासन कार्यालय डाेटीले जानकारी दिएकाे छ ।
समस्याग्रस्त सहकारी व्यवस्थापन समितिको कार्यालय काठमाडौंको पत्रअनुसार शिव शिखर बहुउद्देश्यीय सहकारी संस्थाको दिपायल शाखा सिल गरिएको प्रमुख जिल्ला अधिकारी गोपालप्रसाद अर्यालकाले बताए ।
केही महिना अगाडि मात्रै उक्त सहकारी संस्थाले बचत कर्ताहरूलाई बचत गरेकाे पैसा फिर्ता नगर्दा धमाधम जिल्ला प्रहरी कार्यालय डोटीमा जाहेरी दर्ता गरेका थिए । सहकारीले पैसा फिर्ता नदिदा बचत कर्ताहरूले ठगिकाे आराेप लगाएका पनि थिए ।
त्यसपछि जेठ महिनामा प्रहरीले जाहेरी दिन सूचना जारी गरेपछि बचतकर्ताहरूले एक हजारदेखि १२ लाख रुपैयाँसम्म ठगिएको भन्दै प्रहरीमा धमाधम उक्त सहकारी बिरूद्व उजुरी परेका थिए ।
