
धनगढी/ कैलालीको धनगढी उपमहानगरपालिकाले मुक्तीनाथ दर्शन गर्न पठाएका तिर्थयात्रु मध्ये दुई २ जना नदीमा डुबेर वेपत्ता भएका छन् ।
आइतबार धनगढी उपमहानगरपालिकाले १ सय ९० जना वृद्धवृद्धालाई मुक्तिनाथ यात्राका लागि पठाउदा उनीहरुसंगै पठाईएको दुई स्वयमसेवक नदिमा पौडी खेल्ने क्रममा आज विहान नदिमा डुबेर बेपत्ता भएका हुन् ।
लक्ष्मीनारायण मन्दिरबाट स्वयंसेवकका रुपमा मुक्तिनाथ यात्रामा गएका भारतको असम घर भएका १८ वर्षीय भोजराज अधिकारी र धनगढीको मिलन चोक घर भएका १५ वर्षीय पंकज दाहाल नदीमा डुबेर बेपत्ता भएका बताइएको छ ।
पौडी खेल्ने क्रममा एक जना भुमरीमा परेर डुबेपछि बचाउन गएका अर्का पनि बेपत्ता भएको लक्ष्मीनारायण मन्दिर स्रोतले जानकारी दिएको छ ।
कालीगण्डकी र त्रिसुलीको दोभानमा पौडी खेल्न जाँदा उनीहरू डुबेर बेपत्ता भएका बताइएको छ । अन्यतिर्थयात्रु सकुसल रहेको भएपनि बेपत्ता भएका दुई जनाको खोजी कार्य भई रहेको स्थानिय प्रहरी स्रोतले जनाएको छ ।