धनगढी / सुदुरपश्चिम प्रदेशका ऐन विपरीत प्रयोग भइरहेका सरकारी गाडी संसदीय दलका तीनै नेताले बल्ल फिर्ता गरेका छन् ।
नागरिक उन्मुक्ति पार्टीबाट संसदीय दलका नेता घनश्याम चौधरीले प्रयोग गर्दै आएको गाडी केही दिन पहिला फिर्ता भएकाे हाे भने खगराज भट्ट र दिर्घबहादुर सोडारीले ढिलो गरी फिर्ता गरेका छन् ।
सत्ता पक्षबाट संसदीय दलको नेताको हैसियतले माओवादी केन्द्रका नेता खगराज भट्ट, सुदूरपश्चिम प्रदेश ०१००१ झ ०४३४, एकीकृत समाजवादी पार्टीका तर्फबाट प्रदेश संसदीय दलका नेता दीर्घबहादुर सोडारी से१झ २७६ र नागरिक उन्मुक्ति पार्टीबाट संसदीय दलका नेता घनश्याम चौधरीले से१झ ३०९ नम्बरको सरकारी गाडी ऐन विपरीत चलाउदै आएका थिए ।
प्रदेशसभाको सार्वजनिक लेखा समितिले सरकारी गाडी फिर्ता गराउन सचिवालयलाई निर्देशन दिएपछि तीनवटै गाडी बल्लतल्ल फिर्ता भएका हुन् ।
