काठमाडौं । नेपालबाट भैंसीको मासु चीन निर्यात गर्नका लागि स्वीकृति प्रक्रियालाई तीव्रता दिन चीन र नेपाल सहमत भएका छन् ।
प्रधानमन्त्री पुष्पकमल दाहाल प्रचण्डको चीन भ्रमणको क्रममा सो सहमति भएको बताईएको छ ।
यस भन्दा अघि नेपालमा उत्पादन भएको मासु भारत, भियतनाम र थाइल्यान्ड हुदै घुमाउरो बाटो बाट चीन सम्म पु¥याईने गरेकोमा अब सहमती भए संगै नेपालमा उत्पादन हुने राँगा भैसीको मासु सिधै चीन सम्म पुग्ने छ । सहजै चिन सम्म मासु निर्यात हुदाँ व्यापार वृद्धि हुने नेपाली मासु व्यवसायीहरु बताउन्छन् ।
मंगलबार बिहान सार्वजनिक संयुक्त वक्तव्यमा नेपालबाट भैंसीको मासु चीन निर्यात गर्नका लागि स्वीकृति प्रक्रियालाई तीव्रता दिने र यसबाट नेपाल र चीन बीचको व्यापार घाटा न्युनीकरण हुने अपेक्षा गरिएको उल्लेख छ ।
त्यस्तै चीनमा नेपाली अमिलो जातका फलफूल निर्यातका लागि आवश्यक पर्ने प्रमाणपत्र उपलब्ध गराउन र नेपालमा क्वारेन्टाइन प्रयोगशाला स्थापना गर्न पनि चीनले नेपाललाई सहयोग गर्न तयार उल्लेख गरिएको छ ।
