नेपालले आज साफ अण्डर नाइन्टिन च्याम्पियनसिपमा माल्दिभ्ससँग खेल्दैछ । समुह ए बाट पाकिस्तान सेमिफाइनलमा पुगिसकेको छ भने अब नेपाल र माल्दिभ्सबीचको विजेता सेमिफाइनलमा पुग्ने भएकाे छ ।
शनिबार पाकिस्तान र माल्दिभ्सबीचको खेल १/१ गोलको बराबरी खेलेपछि पाकिस्तानलले सेमिफाइनलमा आफ्नो स्थान बनाएकाे थियाे ।
यसअघि मात्रै पहिलो खेलमा पाकिस्तानले नेपाललाई पराजित गरेको थियो। पाकिस्तानको २ खेलमा ४ अंक भएको छ। त्यस्तै माल्दिभ्सको एक खेलमा एक अंक रहेको छ भने नेपालको एक खेलमा शुन्य अंक रहेको छ।
आज भैरहेकाे नेपाल र माल्दिभ्सबीच खेलको विजेता टिम सेमिफाइनलमा पुग्ने भएको छ। नेपालले सेमिफाइनलमा स्थान बनाउन खेल जित्नै पर्ने भएको छ भने खेल बराबरीमा रोकिएमा माल्दिभ्स सेमिफाइनलमा पुग्ने पक्का छ ।
त्यस्तै समूह बी बाट सेमिफाइनलमा भारत र भुटान पुगिसकेका छन्। बंगलादेशले आफ्ना दुबै खेलमा हार बेहोरेपछि समुह बी बाट भारत र भुटान सेमिफाइनलमा पुगेका हुन्। यद्यपी समुह चरणमा आजै भारत र भुटानबीच पनि साढे ५ बजेदेखि खेल हुने भएकाे छ । खेल दशरथ रंगशालामा दिउँसो साढे १ बजेदेखि शुरु हुने भएकाे छ ।
