
सिलगढी । डोटी जिल्ला भएर बग्ने सेतीनदीमा बगेर एक बालक वेपत्ता भएका छन् ।
जिल्लाको दिपायल सिलगढी नगरपालिका वडा नं. ३ बस्ने ५ बर्षिय बालक सुशान्त साँउद नदीमा पौडी खेल्नेक्रममा बगेर वेपत्ता भएको डोटी प्रहरी स्रोतले जनाएको छ ।
सुशान्त साउँद संगै बगेका चार बर्षियबालक मिलन साउँदलाई स्थानीयले तत्काल उद्धार गरि बचाउन सफल भएपनि सुशान्तको भने खोजी कार्यजारी रहेको प्रहरी स्रोतले जनाएको छ ।
हरेक बर्ष सेती नदिमा बगेर मानिसहरुको मृत्यु हुने गरेको जिल्ला प्रहरी कार्यालय डोटीको तथ्यांकले देखाउन्छ । २०७६ साल पछिको तथ्यांकलाई हेर्दा डोटी जिल्लमा पानीमा डुबेर, नदीमा बगेर मृत्यु हुनेको संख्या २१ जना देखिन्छ ।