गणेश मौनी / डोटीको केआई सिंह गाउँपालिकामा आयोजना गरिएको कृर्षि प्रदर्शनी मेलामा २८ जना कृषकहरुलाई पुरस्कृत गरिएको छ ।
केआई सिंह गाउँपालिका कृर्षि बिकास शाखाले बिहीबार देखि शनिबार सम्म वडा नम्बर ४ वायलमा आयोजना गरेको कृर्षि प्रदर्शनी मेलामा कृषकहरु पुरस्कृत भएका हुन् ।
कृषकहरुलाई आफुले उत्पादन गरेको चिजबस्तुहरुको बारेमा सबैलाई जानकारी गराई कृर्षि प्रबिधीको बारेमा अनुभव आदान प्रदान गर्न सहजता हुनुका साथै कृषकहरुलाई कृर्षि उत्पादनमा उत्पेरणा जगाउन सहयोग पुगोस भन्ने हेतुले कृर्षि प्रदर्शनी मेलाको आयोजना गरेको केआई सिंह गाउँपालिका कृषि बिकास शाखा प्रमुख योगेश रावलले बताए ।
७ वटा विभिन्न बाली समुहका प्रथम, द्धितृय, तृतिय र सान्तोना गरि २८ जना कृषकहरूलाई पुरस्कृत गरिएको थियो । पुरस्कृतहुने कृषकहरुलाई बालि समुहगत रुपमा प्रथम लाई १ हजार ५ सय, द्धितियलाई १ हजार २ सय, तृतियलाई १ हजार र सान्तोनाहुनेलाई ५ सय नगद पुरस्कार समेत दिईएको शाखा प्रमुख रावलले बताए ।
कृषि मेला प्रदर्शनीमा ७७ जना कृषकहरूले आफुले उत्पादन गरेका कृषि उपजहरू प्रदर्शनी स्थलमा ल्याएका थिए । कृर्षि प्रदर्शनी मेलामा तरकारी बालि, दालबालि, अन्नबालि, फलफुल बाली, तेहलन बाली, मसला बाली र अन्य बालीहरु राखिएका थिए । तिन दिन सम्म संचालन भएको कृर्षि मेला प्रदर्शनीमा कृषक, स्थानीयहरुको सहभागिता रहेको थियो ।
