
डोटी / युएमएन र समान पहुँच विकास केन्द्र सिड नेपालकाे साझेदारीमा संचालित बालबालिका उत्थानशिल परियाेजनाकाे आर्थिक सहयोगमा बोगटान फुड्सिल गाँउपालिकाका ४ वटा वडाहरुमा सामाजिक परिक्षण कार्यक्रम सम्पन्न भएको छ ।
गाँउपालिकाको वडा नं. २, ३, ५ र ६ वडाहरुमा सामाजिक परिक्षण कार्यक्रम सम्पन्न भएको उक्त संस्था द्धारा संचाललित बालबालिका उत्थानशिल बिकास परियोजना (कर्ड) का संयोजक झकेन्द्र बंमले बताए ।
प्रत्येक वडाहरुमा छुटछुट्टै कार्यक्रमको आयोजना गरि सामाजिक परिक्षण कार्यक्रम सम्पन्न गरिएको र सबै कार्यक्रमहरु सम्वन्धीत वडाहरुको आयोजनामा सम्पन्न भएको बंमले बताएका छन् ।
बंम भन्छन् , सामाजिक परिक्षणले सेवा प्रदायक वा कार्यालयको सामाजिक कार्य दक्षता नाप्ने यन्त्रको रुपमा कार्य सम्पदान गर्ने भएकोले जनप्रतिनिधिमुलक संस्थाहरुले सार्वजनिक सुनुवाई अनिवार्य रुपमा गर्नु पर्ने हुन्छ ।
सामाजिक परिक्षणको माध्यमबाट सेवाप्रदाक, कार्यालय, संघ संस्था, समुहले गरेका कार्यहरुका बारेमा सूचना प्रवाह गर्नुको साथै, कार्य सम्पादनको वास्तविकताको बारेमा जानकारी समेत दिने गर्दछ । त्यस्तै सामाजिक परिक्षणले आगामी दिनका लागी मार्गनिर्देश समेत गर्ने बंमको बुझाई रहेको छ ।