काठमाडौं / त्रिभुवन विश्वविद्यालय (त्रिवि) को व्यवस्थापन संकायको परीक्षा मंसीर तेस्रो साताबाट हुने भएको छ ।
कोरोना भाइरसको कारण स्थगित भएको सेमेस्टर प्रणाली अन्तर्गत स्थगित स्नातक र स्नातकोत्तर तहको परीक्षा मंसीर तेस्रो साताबाट सञ्चालन हुने भएको हो ।
परीक्षा नियन्त्रण कार्यालय व्यवस्थापन संकायका डीन प्रा.डा. डिल्लीराज शर्माका अनुसार परीक्षा मंसिर तेस्रो साता सञ्चालन गर्ने निर्णय भएको र थप परीक्षा सम्बन्धी विवरण छिट्टै वेभसाइटमा प्रकाशित गरिने बताए ।
गत सोमबार बसेको मन्त्रिपरिषद् बैठकले विश्वभर फैलिएको कोरोना भाइरसको कारण स्थगित भएको सबै किसिमका परीक्षा सञ्चालन गर्न दिने निर्णय गरेको थियो । त्यसैले विभिन्न मितिमा सबै किसिमका परिक्षा हुनेछ ।
