डोटी / सुदुरपश्चिम प्रदेशमा स्वास्थ्य सेवामा उत्कृष्ट कार्यसम्पादन गरेको भन्दै सुदूरपश्चिम प्रदेशको सामाजिक विकास मन्त्रालयले एक कार्यक्रममा विच शनिवार स्वास्थ्य कार्यालय डोटीलाई पुरुस्कृत गरेको छ ।
मन्त्रालयले प्रदेशभरका ९ वटा जिल्लाहरुमा रहेका स्वास्थ्य कार्यालयहरु मध्येमा एउटा लाई पुरुस्कृत गरको र उक्त पुरुकारबाट डोटीले प्राप्त गरेको स्वास्थ्य कार्यालय डोटीले प्राप्त गरेको डोटीका स्वास्थ्य प्रमुख रमेश मलासीले बताए ।
त्यस्तै मन्त्रालयले प्रदेशका ९ वटा जिल्लाका एकएक वटा स्थानिय तहहरुलाई उत्कृष्ट कार्यसम्पादन गरेको भन्दै सम्मान गरेको छ । डोटी जिल्लाका ९ स्थानिय तहहरु मध्ये आदर्श गाँउपालिका संस्थागत रुपमा उत्कृष्ट भई पुरुस्कृत भएको छ ।
त्यस्तै जिल्लागत रुपमा प्रदेशमा रहेका हरेक जिल्ला बाट एक जना स्वास्थ्य संयोजक र एक जना नर्सिङ कर्मचारीलाई सम्मान गरेको छ । डोटी जिल्लाका ९ स्थानिय तहहरुका स्वास्थ्य संयोजकहरु मध्ये शिखर नगरपालिकामा कार्यरत स्वास्थ्य संयोजक हरिस शाह पुरुस्कृत भएका छन् ।
त्यस्तै डोटी जिल्ला रहेका स्वास्थ्य संस्थाहरुमा कार्यरत नर्सिङ कर्मचारीहरु मध्येका उत्कृष्ट कार्य सम्पादन गरेको भन्दै दिपालय सिलगढी नगरपालिका बडा नं. ८ लडागडामा कार्यरत अनमि निर्मला लामिछाने पुरुस्कृत भएकी डोटीका स्वास्थ्य प्रमुख मलासीले जानकारी दिए ।
त्यस्तै सामाजिक विकास मन्त्रालयले प्रदेशका ९ ओटै जिल्लाबाट एकएक वटा स्थानिय तहहरुलाई उत्कृष्ट कार्यसम्पादन गरेको भन्दै पुरुस्कृत गरेको थियो ।
पुरुस्कृत हुनेमा डोटीको आदर्शगाँउपालिका, कञ्चनपुरको बेदकोट नगरपालिका, कैलालीको टिकापुर नगरपालिका, डडेल्धुराको नवदुर्गा गाउँपालिका, अछामको रामारोशन गाउँपालिका, बाजुराको गौमुल गाउँपालिका, बझाङ्गको जयपृथ्वी नगरपालिका, बैतडीको पाटन नगरपालिका र दार्चुलाको नौगाड गाउँपालिका रहेका छन् ।
सम्मान पत्र
स्वास्थ्य कार्यालय प्रमुख रमेश मलासी
उत्कृष्ट नर्सिङ कर्मचारी निर्मला लामीछाने
