समिक्षा आर्चाय, काठमाण्डौ / शनिवार सार्वजनिक भएको तथ्यांक अनुसार पछिल्लो २४ घण्टामा थपिएका कुल कोरोना संक्रमितहरु मध्ये काठमाडौं उपत्यकाका मात्र २ हजार ६ सय ७२ जना रहेका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पिसिआर परिक्षण भएका मध्ये २५ प्रतिशत भन्दा बढीमा कोरोना संक्रमण पुष्टी भएको छ भने कुल पुष्टी भएका मध्ये ५० प्रतिशत भन्दा बढी काठमाण्डौ उपत्यकाका रहेका छन् ।
पछिल्लो २४ घण्टामा काठमाडौं जिल्लामा मात्र २ हजार १ सय संक्रमित थपिएका छन् । ललितपुरका ३ सय ६९ जना र भक्तपुरका २ सय ३ जनामा संक्रमण थपिएका हुन् ।
उपत्यकामा पछिल्लो २४ घण्टामा ६ जना संक्रमितहरुको मृत्यु भएको छ । मृत्यु हुनेमा काठमाडौंका ६८ वर्षीया महिला, ४८ र ९० वर्षीय पुरुष, ललितपुरका ४३ र ४९ वर्षीय पुरुष र भक्तपुरका ६८ वर्षीय पुरुषको मृत्यु भएको छ ।
