काठमाण्डौ / पछिल्लो समय नेपालमा अनुमान गरेको भन्दा बढी कोरोना भाईरसका संक्रमितहरु पुष्टी हुन थाले पछि आईसोलेसनमा नबस्नेलाई सरकारले ६ महिना जेल हाल्ने बताएको छ ।
स्वास्थ्य तथा जनसंख्या मन्त्रालयका प्रबक्त जोगेश्वर गौतमले शुक्रबार नियमित पत्रकार सम्मेलनमा बोल्दै संक्रमण पुष्टी भएका व्यक्ति आइसोलेसनमा नबसे संक्रमण ऐन अनुसार कारबाही गर्ने बताएका हुन् ।
संक्रमण ऐन अनुसार रोगको संक्रमण बृद्धि गर्ने वा तोकीएको मापडण्ड पुरा नगर्ने, कानूनको बेवास्था गर्ने व्यक्तिलाई ६ महिनाको जेल हुने सजाय हुने व्यवस्था रहेको छ ।
प्रवक्ता डा. गौतमले संक्रमण रोकथाममा लागी संक्रमण पुष्टी भएका व्यक्तिहरुलाई आईसोलेसनमा बस्न र संक्रमित आईसोलेसनमा बसे नबसेको आफुहरुलाई जानकारी दिन समेत आग्रह गरेका छन् ।
एक जना सङ्क्रमित बाहिर निस्कँदा अरु धेरैलाई सङ्क्रमणको जोखिम हुने भएकोले सङ्क्रमित व्यक्ति स्वयं सचेत हुनुपर्ने र व्यक्तिले लापर्वाही गरेमा परिवारका सदस्य तथा छिमेकीहरुले प्रहरीलाई खबर गर्नुपर्ने उनले बताए ।
