वुटबल / प्रदेश ५ को नाम र राजधानीका लागी प्रदेश सभामा भएको मतदानमा नेपाली काग्रेश बाट विजयी प्रदेश सभा सदस्यले पनि पार्टीको हृपीप विपरीत भालुबाङ राजधानी बनाउन मतदान गरेको पाईएको छ ।
प्रदेशको नाम र राजधानीका लागी प्रदेश सरकारले प्रदेश सभामा लगेको प्रस्ताबको पक्षमा मदतान गर्न नेकपा र त्यसका विरुद्धमा मतदान गर्न नेपाली काग्रेशले हृपीप जारी गरेका थिए । तर नेपाली काग्रेशबाट १९ प्रदेश सभा सदस्य रहेको भए पनि विपक्षमा मतदान गर्नेको संख्या १३ मात्र रहेको देखिएको छ । अर्थात नेपाली काग्रेशबाट जितेका सदस्यहरुलाई मात्र गणना गर्ने हो भने पनि विपक्षमा ७ मत कम खसेको देखिन्छ ।
काग्रेशलाई छोडने हो भने प्रदेश सभामा नेकपाका ६१ सदस्य छन्, जनता समाजवादी पार्टीका ६ जना र राष्ट्रिय जनमोर्चाका एक सदस्य गरि कुल ६७ मत बाकी देखिन्छ त्यस मध्ये सभामुख पूर्णबहादुर घर्तीले मतदान प्रक्रियामा भाग लिएन् अर्थात गणितिय हिसाबले अब मत ६६ बाकी रहन्छ ।
तर मत परिणाम हेर्ने हो भने मंगलबार भएको मतदानमा प्रदेशको नाम लुम्बिनी राख्ने प्रस्तावको पक्षमा ७९ मत परेको छ भने विपक्षमा ४ मत खसेको छ । यस्तै स्थायी राजधानी भालुवाङ राख्ने प्रस्तावको ६९ मत परेको छ भने विपक्षमा १३ मत खसेको छ ।
अर्थात विवादीत बनेको राजधानीका लागी पनि कांग्रेश बाहेक अन्य दलका ६७ मतहुनु पर्नेमा ६९ मत खसेको छ । अर्थात दुई राजधानीका लागी काग्रेश तर्फका २ सदस्यले पनि मतदान गरेको देखिन्छ ।
राजधानीको विषयमा भएको मतदान प्रक्रिया तीन जना सांसदले बहिस्कार गरेका छन् । जनता समाजवादी पार्टीका दुई जना र राष्ट्रिय जनमोर्चाकी एक मात्र सांसदले मत विभाजन प्रक्रियामा भाग लिएनन् ।
जसपाका रुपन्देहीबाट निर्वाचित सांसद सन्तोष पाण्डे र अर्घाखाँचीकी कल्पना पाण्डे लम्साल तथा राष्ट्रिय जनमोर्चाकी प्युठानकी सांसद तारा जीसीले राजधानीबारेको मतदान प्रक्रिया बहिस्कार गरेका हुन् । जनता समाजवादी पार्टीका ६ मध्ये अन्य ४ सांसदले दाङको पक्षमा मत हालेका थिए ।
