
डोटी / जिल्ला समन्वय समितिका उपसंयोजक शशी सोबले दलित महिलाहरुको अबस्था अहिले पनि कहाली लाग्दो भएको बताएकी छिन् ।
दलित महिला संघ फेडोले आयोजना गरेको जातिय भेदभाब तथा लैगिक हिंसा सम्वन्धीको २ दिने अभिमुखीकरण कार्यक्रमको समापन शत्रमा बोल्दै उपसंयोजक सोबले त्यस्तो बताएकी हुन् ।
सोवले भनिन्, “नेपाल भरि नै महिलाहरुको अबस्था हेर्ने हो भने सारै समस्या छ, महिलाहरु दैनिक जस्तो विभिन्न खाले हिंसामा परेका छन् अझै दलित महिलाहरुको विषयमा कुरा गर्ने हो भने उनीहरुको अबस्था जरजर छ ।”
सोबले महिलाको उत्थान गर्न पर्ने अहिले आबश्यकता रहेपनि अझै निति तथा कार्यक्रम तयार गर्दा दलित समुदायका महिलाहरुलाई ध्यानमा राखी कार्यक्रम तयार पर्नु पर्ने बताईन् ।
फेडो डोटीले जिल्लामा संचालन गर्दै आएको दलित महिलाको विकास र सामाजिक न्यायका लागी शासन सुदृढिकरण परियोजना अन्तरगत दुई ओटा छुटछुटै कार्यक्रमहरु संचालन भएका थिए ।
१७ गते देखी सुरु भएको अभिमुखिकरण १८ गते सम्पन्न भएको र १८ गते सुरु भएको कार्यक्रम १९ गते सम्पन्न भएको संस्थाका कार्यक्रम संयोजक योगेश मल्लले बताए ।
दुबै कार्यक्रममा ५० जना दलित अगुवा महिलाहरुको सहभागीता रहेको र उनीहरुलाई जातिय विभेद सम्वन्धी कानूनी व्यवस्था, महिला हिंसामा पर्नुको कारण तथा त्यसलाई रोकथाम गर्न खेल्नु पर्ने भुमिका बारेमा जानकारी दिईएको मल्लले बताए ।