कञ्चनपुर / धनगढीबाट दिपायल ल्याउदै गरिएको अबस्थामा ३८ लाख भन्दा बढीको अबैध सामाग्री सशस्त्र प्रहरी कञ्चनपुरले पक्राउ गरेको छ ।
परिणाम भन्दा कम मूल्यको विल बनाई सामान र औषधि लिएर धनगढी देखि दिपायल आउनु पर्ने उक्त सवारी सिधै आउन छाडी धनगढीबाट ३० किलोमिटर पश्चिम दक्षिणमा गई प्रतिवन्धीत सामान सहित कञ्चनपुरको बाटो हुँदै ल्याउने क्रममा सशस्त्र प्रहरी निरीक्षक इश्वरीदत्त भट्ट नेतृत्वको टोलीले जीप सहितको सामान बरामद गरेको सशस्त्र प्रहरी उपरिक्षक वीरेन्द्र ऐरले बताको राससको समाचारमा उल्लेख छ । त्यस्तै जीपका चालक लाल कोलीलाई समेत नियन्त्रणमा लिई राजश्व अनुसन्धान कार्यालयमा बुझाईएको हो ।
कञ्चनपुर सशस्त्र प्रहरीले शुक्लाफाँटा नगरपालिका १२ कलुवापुर बेलौरी सडक खण्डको कालागौंडीबाट से १ च ११३२ नम्बरको महेन्द्रा जीपमा धनगढीका विभिन्न टे«र्डस र सपिङ्ग सेन्टरबाट परिणाम भन्दा कमको बिलविजक बनाई लैजादैँ गरेको अबस्थामा पक्राउ परेको हो ।
राससका अनुसार प्रहरी उपरिक्षक ऐरका अनुसार जीपमा विभिन्न किसिमको औषधी १६ लाख दुई सय ४५, काँचो कपडा एक लाख ४३ हजार सात सय ६४, तयारी कपडा रु दुई लाख ६३ हजार एक सय ४५को सामान बरामद गरिएको छ ।
यसैगरी, प्रतिवन्धित सामानहरुमा सुपर पावर सुर्ती १० बोरा, स्वीट सुपारी गुटखा १२ बोरा, प्लाष्टिक पाँच बोरा र विलविजक नभएको बेसार २० किलो बरामद गरिएको छ ।
