सुपअनलाईन डोटी / अहिले नेपालमा दिन प्रतिदिन बलात्कारका घटनाहरु बढ्दोक्रममा रहेको छ । कतिपय घटनाहरु सार्वजनिक नै नभई गाँउका ठालुहरुले मिलाउने गरेका घटना पनि सार्वजनिक हुने गरेको छ ।
केहि दिन अघि मात्र सुदुरपश्चिमको बझांग जिल्लामा बलात्कार पछि १२ बर्षिया बालिकाको हत्या गरेको घटनाले देशलाई नै ततायो । घटनाको अध्ययन अनुसन्धान गर्दै जादा १२ बर्षिया बालिकोको हत्याको आरोपमा प्रहरी सार्वजनिक गरेको अभियुक्तबाट पहिले पनि १३ बर्षिया बालिका माथी बलात्कार भएको खुलासा भयो । पहिलो पटक भएको घटना गाँउघरमा मिलाईएको समेत अनुसन्धानको क्रममा देखियो ।
त्यस्तै बलात्कारको घटनालाई गाँउघरमा ५ लाख दिएर मिलाउने पञ्चेहरुलाई प्रहरीले पक्राउ गरेको समाचार बाहिर आएको छ । सिराह जिल्लामा बलात्कारको घटना गाउँमै मिलाउने ८ जना पञ्चलाई प्रहरीले पक्राउ गरेको जनाएको छ ।
सिरहाको बिष्णुपुर गाउँपालिका–१ स्थित गत असोज १२ गते अन्दाजी ५ बजेको समयमा भएको बलात्कार प्रकरणमा गाउँका पञ्चहरुले ५ लाख रुपैयाँ जरिवाना तोकेर मिलाएको भन्दै २ नम्बर प्रदेश प्रहरी कार्यालय जनकपुरधाम र जिल्ला प्रहरी कार्यालय सिरहाको संयुक्त प्रहरी टोलिले पञ्चहरुलाई पक्राउ गरेको जनाएको छ ।
सोही स्थान बस्ने स्थानीय सिँघेश्वर साहको २० वर्षीय छोरा मुकेश कुमार साहले सोही ठाउँकी एक किशोरीलाई घरमा पसेर बलात्कार गरेको घटना सार्वजनिक भएको थियो । सोहि मुद्दालाई गाँउघरमा मिलाउने पञ्चेहरु पक्राउ परेका हुन् ।
पक्राउ पर्नेमा सिराहको बिष्णुपुर गाउँपालिका बस्ने ५२ वर्षीय सिंहेश्वर साह, सोही ठाउँ बस्ने २२ वर्षीय अरविन्दकुमार साह, ४५ वर्षीय शत्रुधन साह, ४७ वर्षीय राजकुमार साहलाई पक्राउ परेका छ्न । त्यस्तै सोही ठाउँका ४२ वर्षीय राम उदगार यादव, ६१ वर्षीय जगविर यादव, ४८ वर्षीय राजकुमार यादव र ३५ वर्षीय रौदि भन्ने श्याम सुन्दर यादवलाई पक्राउ गरेको प्रहरीले जनाएको छ ।
किशोरीलाई बलात्कार गरेको भन्दै रिसको आवेगमा आएर किशोरीकी भाईले उनलाई नै कुटपिट गरी घाईते बनाएपछि घटना बाहिर आएको थियो । पीडित किशोरीलाई उपचारको लागि आफन्तहरुले स्थानीय क्लिनिकमा सामान्य उपचार गराई थप उपचारको लागी बिराटनगरस्थित बिराट नर्सिङ होम बिराटनगरमा लगी उपचार गराएको थियो ।
असोज १६ गते शुक्रबार गाउँ फर्किँदा उक्त घटना गाउँ घरमै मिलाउन भनि गाँउमा नै पञ्चायत बसी पीडकको आफन्तसँग तमसुक कागजसमेत गराई उक्त कागज जगविर यादवको जिम्मामा राखिएको थियो ।
