
सुप अनलाईन डेस्क / विश्वभर (कोभिड १९) कोरोनाभाइरसका कारण संख्या १० लाख ३३ हजार २ सय २६ जनाको मृत्यु भएको छ ।
विश्वभरमा यो समाचार तयार गर्दा सम्म ७९ लाख ३ हजार जना संक्रिय संक्रमित रहेका विश्व स्वास्थ्य संगठनले जनाएको छ । इन्फोका अनुसार सक्रिय संक्रमितहरु मध्ये ६६ हजार २ सय ८७ जनाको अवस्था गम्भीर छ ।
त्यस्तै कोरोना भाईरसमा जित हासिल गर्नेको संख्या २ करोड ५८ लाख ९२ हजार जना भन्दा बढि रहेको बताईएको छ । विश्वभरमा ३ करोड ४८ लाख २८ हजार मानिसमा अहिले सम्म कोरोनाको संक्रमण देखिएको छ ।
कुन देशको अबस्था कस्तो ?
अमेरिका
कारोना भाइरसले सबै भन्दा बढी अमेरिकालाई प्रभाव पारेका छ ।
विश्वमा सबै भन्दा बढी संक्रमित र सबै भन्दा बढि मृत्यु हुने मुलुक हो अमेरिका । अमेरिकामा ७५ लाख ४९ हजार भन्दा बढि संक्रमित मध्ये त्यहाँ अहिलेसम्म २ लाख १३ हजार भन्दा बढि जनाले ज्यान गुमाइसकेका छन् ।
त्यस्तै १४ हजारको अवस्था गम्भीर छ । अहिलेसम्म ४७ लाख ७६ हजार भन्दा बढि जना निको भइसकेका छन् भने २५ लाख ५८ हजार जनामा भाइरस सक्रिय छ ।
भारत
छिमेकी मुलुक भारतमा संक्रमित संख्या हालसम्म ६४ लाख ७१ हजार ९ सय ३४ पुगेको छ ।
विश्वभर कोरोना भाइरस धेरै संक्रमण हुने देशहरूको सूचीमा दोस्रो नम्बरमा भारत रहेको छ । संक्रमित मध्ये १ लाख ८ सय ७५ जनाको ज्यान गइसकेको छ ।
जस मध्ये ५४ लाख २५ हजार ७७ जना निको भएका छन् । सक्रिय संक्रमितहरु ९ लाख ४५ हजार ९ सय ८२ रहेको छ जसमा ८ हजार ९ सय ४४ जनाको अवस्था गम्भीर छ ।
ब्राजिल
तेस्रो स्थानमा रहेको ब्राजिलमा ४८ लाख ८२ हजार जना संक्रमित मध्ये ४२ लाख ३२ हजार निको भइसकेका छन् । मृत्यु हुने भने १ लाख ४५ हजार भन्दा बढी छन् ।
(विभिन्न बिश्व संचारगृहहरुका आधारमा)