तेजु ओली / जिल्ला समन्वय समिति डोटीले विहिबार देखी आयोजना गरेको जिल्ला बार्षिक समिक्षा तथा चौथो जिल्ला सभा आज शुक्रबार सम्पन्न भएको छ ।
जिल्लाका ९ वटा स्थानिय तहका प्रमुख उपप्रमुख र प्रशासकिय प्रमुखहरुको सहभागीतामा सम्पन्न भएको उक्त बार्षिक समिक्षा तथा जिल्ला सभामा ९ वटा स्थानिय तहले आ आफुले गरेका गतिविधिहरुका बारेमा सभालाई जानकारी गराएको जिल्ला समन्वय समितिका संयोजक राम वहादुर ऐरले बताए ।
स्थानिय तहहरुमा भएका बर्षिक आम्दानी र खर्चको विवरण समेत स्थानिय तहहरुले सभा समक्षा प्रस्तुत गरेका थिए । शुक्रबार जिल्लाका पत्रकारहरुलाई सभामा भएका निर्णयहरुका सम्वन्धमा जानकारी दिईएको छ ।
सभाले कोरोना कहरका कारण भएका खर्च र त्यसको व्यवस्थापनका बिषयमा सहयोगी सबैमा धन्यवाद ज्ञापन गरेको छ । त्यस्तै आगामी दिनहरुमा पनि सरकारी, गैर सरकारीका साथै आम दाताहरुबाट जिल्लामा कोरोना व्यवस्थापनका लागी सहयोग हुने अपेक्षा जिल्ला सभाले गरेको छ ।
जिल्लाका विभिन्न स्थानहरुमा जमिन भासिन थालेपछि मानब बस्तीहरु जोखिममा परेका कारण त्यस्ता बस्ती सुरक्षा र खेती योग्य जमिन कटान रोकथाममा लागी प्रदेश सरकार, संघिय सरकारलाई जानकारी गराउदै आबश्यक कार्यका लागी पहल गरिने सभाले निर्णय गरेको जिल्ला समन्वय समितिका संयोजक राम वहादुर ऐरले बताए ।
राष्ट्रिय तथा अन्तर्राष्ट्रिय गैर सरकारी संस्थाहरुले जिल्लमा कार्यक्रम संचालन गर्दा स्थानिय तहसंग समन्वय गर्नु पर्ने र कार्यक्रम दोहरीन नदिनका लागी अनिवार्य रुपमा समन्वय समितिलाई जानकारी दिनु पर्ने व्यवस्था मिलाउने सभाले निर्णय गरेको छ ।
प्रतिक्रिया
सम्बन्धित खवर
