
चक्र वहादुर मल्ल / डोटीको बडिकेदार गाँउपालिकामा कार्यरत एक कर्मचारीमा कोरोना भईसरको संक्रमण पुष्टी भएको छ ।
गाँउपालिकामा कार्यरत कर्मचारीमा कोरोना संक्रमण पुष्टी भए संगै उक्त गाँउपालिकाले उच्च सर्तकता अपनाउदै ७ दिनका लागी गाँउपालिकाबाट सेवाहरु बन्द गरेको जनाएको छ ।
गत असोज ११ र १२ गते संकास्पद ४० जनाको पिसिआर परिक्षणका लागी थ्रोव श्वाव संकलन गरिएकोमा त्यस मध्ये ४ जनामा कोरोना भाईरसरको संक्रमण पुष्टी भए हो । उनीहरुको स्वाव परिक्षणका लागी सेती प्रयोगशालामा पठाईएको थियो भने हिजो विहिबारको परिक्षणमा गाँउपालिकाका १ कर्मचारी सहित ४ जनामा कोरोना संक्रमण पुष्टी भएको गाँउपालिकामा निमित्त प्रशासकिय अधिकृत खडक बहादुर धामीले बताए ।
गाँउपालिकाले आज सूचना जारी गर्दै गाँउपालिकाबाट प्रवाह हुने सम्पुर्ण सेवा तथा कार्यक्रमहरु अर्को सूचना जारी नहुदा सम्म ७ दिनका लागी बन्द गरिएको जानकारी दिएको छ । गाँउपालिकामा कार्यरत कर्मचारीमा नै कोरोना संक्रमण पुष्टी भएपछि पिसिआर परिक्षण नभएका अन्य कर्मचारीहरुको पिसिआर परिक्षण गर्ने तयारी समेत भएको उक्त गाँउपालिकाले जनाएको छ ।