सुर्खेत / कर्णाली प्रदेश प्रमुख गोविन्दप्रसाद कलौनीलालाई कोरोना संक्रमण पुष्टि भएको छ ।
सोहि प्रदेशमा रहेको प्रदेश प्रयोगशालामा गरिएको पीसीआर परीक्षणका क्रममा कोलौनीलाई कोरोना संक्रमण पुष्टी भएको उनका स्वकीय सचिब चुडामणि कलौनीले बताए ।
एक साता पहिले प्रदेश प्रमुख कार्यालयका कार्यरत एकजना कर्मचारीमा कोरोना संक्रमण पुष्टि भएको थियो । ती कर्मचारीलाई संक्रमण देखिए संगै अन्य कर्मचारीहरुको पिसिआर परिक्षण गर्दा थप तीनजना कर्मचारीमा कोरोना पोजेटिभ देखिएको थियो । सोहि क्रममा प्रदेश प्रमुखको समेत पिसिआर परिक्षण गर्दा उनमा कोरोना संक्रमण पुष्टी भएको हो ।
हाल प्रदेश प्रमुख कलौनीको स्वास्थ्य अवस्था सामान्य रहेको र चिकित्सकको निगरानीमा होम आईसोलेसनमा बसको उनका स्वकीय सचिव चुडामणि कलौनीले बताए । आज नै सुर्खेतका एक चिकित्कसको कोरोना संक्रमणका कारण नेपालगञ्जमा मृत्यु समेत भएको थियो ।
