आषिस वहादुर सिँह / बझाङकी सम्झना कामीका हत्या आरोपी राजेन्द्र बोहराले मंगलबार राति हत्या आफैँले गरेको स्वीकार गरेसंगै सम्झनाको ८ दिनमा अन्तीमसंस्कार भएको छ ।
आरोपी बोहराले मन्दिरभित्र रहेको त्रिशूलले हिर्काएर सम्झनाको हत्या गरेको स्वीकारेको बझाङ प्रहरी प्रमुख तथा प्रहरी नायब उपरीक्षक रूपक खड्काले बताए ।
पत्रकार सम्मेलन गरि बोहरालाई सार्वजनिक गर्नु पुर्व उनले आफुले हत्या नगरेको जिकिर गर्दै आएको भए पनि पत्रकार सम्मेलन गरि उनलाई सार्वजनिक गरेपछि उक्त हत्या आफैले गरेको स्वीकार गरेको प्रहरी श्रोतको भनाई छ ।
वयानका क्रममा बोहराले सम्झनाको हत्या आफूले त्रिशूलले हानेर गरेको र उक्त हतियार मन्दिर छेउको एउटा रूखको जरामा लुकाइएको छु भनी प्रहरी समक्ष साविती बयान दिएका हुन् ।
आठ दिन पछि अन्तीम संस्कार
गत बुधबार राति १२ वर्षीया सम्झना मष्टा दुई खिकालाबासीको पूज्य मन्दिर सिम मन्दिरभित्र अर्धनग्न अवस्थामा भेटिएकी थिइन् ।
उनको बलात्कार पछि हत्या भएको थियो । दोषीलाई कार्वाहीको माग गर्दै उनका आफन्तले शव बुझ्न मानेका थिएनन् । अन्तत घटनाका दोषीले प्रहरी समक्षा साविति बयान दिए संगै सम्झनाको परिवारले मृत्यु भएको ८ दिन पछि उनको शव बुझेका छन् । शव बुझ्दै दोषीलाई सम्मानित अदालतबाट सजाय नतोक्दा सम्म आफुहरुको संघर्ष जारी रहने पिडित पक्षले बताएका छन् ।
मृत्यु भएको ८ औ दिनमा सम्झनाको अन्तीम संस्कार भएको छ । यस्ता अपराधीक गतिविधिमा संलग्न र दोषीलाई हदै सम्मको सजाय हुनु पर्ने माग चौतर्फि रुपमा उठी रहेको छ । देशभरमा बालिकाहरु माथी बतात्कार गर्ने बलात्कारीलाई फाँसी वा लिंग छेदन सम्मको सजाय हुनु पर्ने कानूनमा संशोधन हुनु पर्ने लगायतका मागहरु उठि रहेका छन् ।
