पर्सा / इन्सपेक्टर हु । जागिर लगाईदिन्छु भन्दै पैसा असुली गर्दै हिड्ने नक्कली इन्सपेक्टरलाई पर्साको वीरगञ्जबाट पक्राउ गरिएको छ । उनी संगै केहि अन्य व्यक्ति समेत पक्राउ परेको पर्सा प्रहरीले जनाएको छ ।
पक्राउ पर्नेमा नक्कली इन्सपेक्टर बाराका जीतपुर सिमराका अजय यादवसहितका केही व्यक्तिहरु पक्राउ गरिएको प्रहरी स्रोतले जानकारी दिएको छ।
उनीहरुले वीरगञ्जको नगुवा नजिक देव पार्टी प्यालेशमा बसेर ठगीको योजनाको बनाउँदै गरेको अवस्थामा पक्राउ गरेको हो ।
उनीहरुले प्रहरीमा जागिर लगाइदिने भन्दै रकम असुल्ने गरेको स्रोतको भनाइ छ ।
यसबारे थप जानकारी दिन आज विहान ९ बजे पत्रकार सम्मेलन गरेर जानकारी दिने पर्सा प्रहरी प्रवक्ता नायव उपरीक्षक मनोजीत कुँवरले जानकारी दिए ।
