डोटी / सुदूरपश्चिम प्रदेशमा बुधबार एकै दिन १ सय ९६ जनामा कोरोना भईरसको संक्रमण देखीएको पुष्टी भएको छ ।
प्रदेशभरमा रहेका ४ ओटा प्रयोगशालाहरुमा भएका परिक्षणका क्रममा बुधबार उक्त संख्यामा संक्रमित देखिएका हुन् ।
सेती प्रादेशिक अस्पताल धनगढीमा मात्र बुधबार १ सय ८४ जनामा कारोना संक्रमण देखिएको प्रदेशको सामाजिक विकास मन्त्रलाय स्वास्थ्य महाशखा प्रमुख नरेन्द्र कार्कीले बताए । उक्त अस्पतालमा पछिल्लो २४ घण्टामा जम्मा ३ सय ६१ जनाको पिसिआर परिक्षण भएको थियो ।
त्यस्तै डोटी जिल्ला अस्पतालको प्रयोगशालामा ९ जना, डडेल्धुरा अस्पालतको प्रयोगशालामा २ जना र बझाङ जिल्ला अस्पतालको प्रयोगशालामा १ जनामा कोरोना संक्रमण पुष्टि भएको हो ।
