नवलपरासी / पूर्वी नवलपरासीको कावासोती ४ हसौरामा ट्याक्टरको ठक्करबाट एक जनाको मृत्यु भएको छ ।
हिसौराबाट जुकेपानी जाँदै गरेको लु ४ त १२८४ नम्बरको ट्याक्टरको ठक्करबाट हसौराका २३ बर्षीय खिमबहादुर सारु मगरको मृत्यु भएको नवलपुर प्रहरीले जनाएको छ ।
ट्याक्टरको ठक्करबाट गम्भीर घाइते भएका मगरलाई उपचारका लागी नयाँ मेडिकल कलेज चितवनमा पुराईएको थियो । उपचारको उपचारको क्रममा सोहि अस्पतालमा मृत्यु भएको जिल्ला प्रहरी कार्यालय नवलपुरले बताएको छ ।
ट्याक्टर र ट्याक्टर चालक प्रहरी नियन्त्रणमा रहेको छ । त्यस्तै मृतकको शव पोष्टमार्टमको तयारी भईरहेको नवलपुर प्रहरीले जनाएको छ ।
