
कञ्चनपुर / सुदूरपश्चिम प्रदेशको गड्डाचौकीस्थित नाकामा कार्यरत ७ जना सुरक्षाकर्मिमा सोमबार कोरोना भाईरसको संक्रमण पुष्टी भएको छ ।
सशस्त्र प्रहरी बलको बोर्डर आउट पोष्ट (बिओपी) मा कार्यरत ७ जना प्रहरी कर्मचारीमा कन्चनपुरको झलारीस्थित ३५ नं. गणका एसपी बिरेन्द्र ऐरले बताए ।
धनगढीस्थित सेती प्रादेशिक अस्पतालमा गरिएको परीक्षणमा बिओपीमा कार्यरत ७ जनामा कोरोना संक्रमण पुष्टि भएको हो ।
उनीहरुलाई अहिले महाकाली अस्पतालको आइसोलेसनमा भर्ना गरिएको छ । यसअघि पनि बिओपीमा कार्यरत पाँचजना प्रहरी कर्मचारी कोरोना संक्रमित भएका थिए । त्यहाँको बिओपीले गड्डाचौकी–बनबसा नाकाका साथै भन्सार सुरक्षा लगायतको काम हेर्दै आएको छ ।