बैतडी / जिल्ला कारागार कार्यालय बैतडीमा क्षमताको दोब्बर भन्दा बढी कैदीबन्दी रहदा व्यवस्थापनमा चुनौती थपिएको छ भने कोरोना करहको समयमा अझै असहज भएको छ ।
जम्मा २५ जनाको क्षमता रहेका बैतडी कारागारमा हाल ३१ कैदी, २७ थुनुवा गरी कुल ५८ जना कैदीबन्दी रहेका कारागारका जेलर अनिल तिवारीले बताए ।
कोरोनाले देशका विभिन्न कारागारमा रहेका कैदीको मृत्यु तथा सङ्क्रमण पुष्टि भइरहेको समाचार बाहिर आइरहेका बेला बैतडीमा पनि क्षमताभन्दा बढी कैदीबन्दी हुँदा जोखिम बढेको तिबारीको भनाईछ ।
क्षमताभन्दा बढी कैदीबन्दी हुँदा सङ्क्रमणको जोखिम हुनाका साथै खानेपानी र अन्य व्यवस्थापनमा पनि चुनौती रहेको कारागार प्रशासनले जनाएको छ । खानेपानी आपूर्ति गर्न, शौचालय र बस्नका लागि पनि ठाउँ साँघुरो रहेको कारागार प्रशासनको भनाई छ ।
कोरोनाको कहर र कैदी बन्दीको संख्या अत्याधिक रहेका कारण संक्रमण फैलिए व्यवस्थापन गर्न असजिलो हुने भन्दै अहिले कारागार प्रशासनले आफ्न संगको भेटमा रोक लगाएको छ । बैतडीको कारागार २०४० सालमा बनेको हो र अहिले जिर्ण अबस्थामा पुगेको छ ।
