समिक्षा आचार्य, काठमाण्डौ / केहि दिन अघिमा मात्र सुदुरपश्चिम प्रदेशको बझाङ जिल्लाकी १२ बर्षिया बालिका सम्झना विश्वकर्माको बलात्कार पछि हत्या गरेको घटना सेलाउन नपाउदै सुनसरीमा एक १२ बर्षिया बालिकाले बलात्कारको प्रतिकार गर्दा उनकोे हत्या भएको छ ।
सुनसरीको बराह क्षेत्र नगरपालिका– १ कटहरेमा मृत अवस्थामा फेला परेकी १२ वर्षीया बालिका माथी बलात्कार प्रयासको प्रयास भएको र उनले प्रतिकार गर्दा हत्या भएको आशंका गरिएको हो ।
गत शुक्रबार राति बाबुआमासँगै छिमेकीको घरमा धामी हेर्न गएकी मिना राई निद्रा लागेपछि मध्यरातमा एक्लै घर फर्किएकी थिइन् । परिवारका सबै सदस्य धामी हेर्न जाँदा ढोकामा चाबी लगाएका कारण उनी झ्यालबाट आफ्नो कोठामा सुत्न गएकी थिइन् । राती ११ बजे उनको घाटी थिचि हत्या भएको प्रहरीको प्रारम्भीक अनुसन्धानबाट देखिएको छ ।
हत्या गरेको आशंकामा प्रहरी स्थानीय रञ्जित राईलाई पक्राउ गरि अनुसन्धान थालेको छ । उनी सहित प्रहरी ८ जनालाई पक्राउन गरेको भए पछि ७ जना माथी अनुसन्धान गरि छाडेको छ ।
राति ११ बजे बालिकाको घरमा सामान किन्ने बाहनामा आएका रञ्जित राई झ्यालबाट बालिका सुतेको कोठामा प्रवेश गरेको प्रहरी स्रोतको भनाइ छ । रञ्जितले घरेलु मदिरा सेवन गरेका थिए, बालिकाले हात टोकेको रिसमा उनले बोतलले बालिकाको टाउकोमा प्रहार गरे । त्यसपछि घाँटी थिचेर बालिकाको मृत्युपछि बाहिर निस्केको प्रहरी स्रोतको दावी छ ।
