डोटी, भाद्र २१ / कोरोना भाईरसका कारण विद्यालयहरु संचालन हुन नसकेपछि डोटीको एक सामाजिक संस्थाले विद्यार्थिहरुलाई शिक्षा दिने उदेश्यले टोल शिक्षा कार्यक्रम सुरु गरेको छ ।
सामुदायिक विकास केन्द्र डोटी नामक गैर सरकारी संस्थाले विद्यार्थिहरुको मानसिकतामा असर नपरोस् भन्दै बिश्व शिक्षा र विश्वखाद्य कार्यक्रमको आर्थिक सहयोगमा संचलन भएको प्रारम्भि तह पढाई कार्यक्रम अन्तरगत जिल्लाको १ सय ६८ विद्यालयहरुका विद्यार्थि हरुलाई लक्षित गर्दै भौतिक दुरी कायम राख्दै टोल शिक्षा कार्यक्रम संचालन गरेको परियोजना संयोजक सतिस गुरुङ्गले बताएका छन् ।
हाल विद्यालय बन्द रहेको अवस्थामा टोलमा रहेका बालबालिकाहरुलाई कार्यक्रमका अन्तरगतका स्थानीय सिकाइ उत्प्रेरकहरु द्धारा शैक्षिक ज्ञान हस्तान्तरण गर्ने कार्यक्रमको मुल उदेश्य समेत रहेको गुरुङ्गले जानकारी दिएका छन् । शिक्षा सिकाइ शत्रमा बालबालिकाहरुद्धारा कथा बाचन, कविता बाचन, लेखाइ, बुझाइ मापन, शारिरीक अभ्यास, हाजिरी जवाफ जस्ता क्रियाकलाहरु संचालन गर्दै आएको गुरुङ्गले बताएका छन् । टोल सिकाई कार्यक्रम कम्तीमा हप्तामा २ दिन र बढीमा ६ दिन संचालन भई रहेको गुरुङ्गको भनाई छ । विद्यालय पुर्ण रुपमा बन्द रहेको र विद्यालयहरुलाई क्यारेन्टाईनको रुपमा प्रयोग गरिएको अबस्थामा यो कार्यक्रम समुदायमा प्रभावकारी भएको र बालकालिकाहरुको सिकाइ प्रति उत्प्रेरण जोगाउने काम गरे बडीकेदार गाँउपालिका स्थित डुणा आधारभुत विद्यालयका शिक्षक रिमा मन्नीले बताईन् ।
जिल्लाको आदर्श गाँउपालिकामा ९ ओटा समुदायमा कार्यक्रम संचालन भई रहेको र उक्त कार्यक्रमबाट १ सय ९८ बालबालिका लाभान्वीत भएका छन् । त्यस्तै बडीकेदार गाँउपालिका १३ स्थानमा टोलमा टोल शिक्षा कार्यक्रम संंचालन भई रहेको र उक्त कार्यक्रमबाट २ सय २० विद्यार्थिहरुले लाभ लिई रहेको गुरुङ्गले जानकारी दिएका छन् । त्यस्तै बोगटन फुडसिल गाँउपालिकाका ११ स्थानमा टोलशिक्षा कार्यक्रम सुरु भएको छ भने १ सय ३६ बालबालिकाहरु लाभान्वीत भएका छन् । कोरोना कहरको समयमा नियमित रुपमा संचालन भई रहेको यस कार्यक्रम अन्तरगत केआईसिँह गाँउपालिकामा १ सय ६०, पुर्विचौकी गाँउपालिकामा ७५, सायल गाँउपालिकामा १ सय २३ शिखर नगरपालिकामा २१ र दिपालय सिलगढी नगरपालिकामा १३ जना बालबालिकाहरु लाभान्वीत भई रहेको गुरुङ्गले बताए ।
