डोटी / सुदुरपश्चिम प्रदेशका ३ जनाको एकै दिन कोरोना संक्रमणका कारण मृत्यु भएको छ । पछिल्लो २४ घण्टामा प्रदेशको बैतडी जिल्लामा ३० वर्षीय पुरुष, कैलाली जिल्लाका ३० वर्षीय पुरुष र उम्मेर नखुलेका बझाङ जिल्लाका एक ३ पुरुषको मुत्यु भएको हो ।
भारतबाट फर्किदै गर्दा बाटोमै मृत भेटिएका बैतडीको पुर्चौडी नगरपालिका वडा नम्बर ३ का अन्दाजी ३० वर्षीय पुरुषमा कोरोना पुष्टि भएको स्वास्थ्य कार्यालय बैतडीका कोभिड–१९ सम्पर्क व्यक्ति भुवनप्रसाद जोशीले बताए । ति पुरुषको मृत्यु पछि मात्र उनमा कोरोना संक्रमण पुष्टी भएको हो ।
त्यस्तै बझाङ छबिसपाथिभेरा–१ घर भई महेन्द्र दल गण नागार्जुन काठमाडौंमा कार्यरत सैनिक जवानको शुक्रबार वीरेन्द्र सैनिक अस्पताल छाउनीमा उपचारको क्रममा मृत्यु भएको हो । छारे रोगको लक्षण देखिए पछि अस्पतालको आईसीयूमा भर्ना भई उपचार भई यि जवानमा कोरोना संक्रमण रहेको सैनिक जनसम्पर्क तथा सूचना निर्देशनालयले जनाएको छ ।
त्यस्तै भरतपुरको चितवन मेडिकल कलेज शिक्षण अस्पतालमा उपचार गराई रहेका कैलाली गोदावरी नगरपालिका १ का ३० वर्षीय पुरुषको उपचारको क्रममा मृत्यु भएको र उनीमा कोरोना संक्रमण रहेको अस्पतालका निर्देशक डा दयाराम लम्सालले बताए । मृतक पुरुष मृर्गौलाको दीर्घरोगी थिए उनमा श्वासप्रश्वासमा समस्या पछि अस्पतालमा भर्ना गरिएको थियो ।
