
डोटी / सुदूरपश्चिम प्रदेशबाट विहिबार सम्म ५ हजार ८ सय ५५ संक्रमितले कोरोना माथी विजय प्राप्त गरेको प्रदेशको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले बताए ।
नियमित प्रेस ब्रिफिङमा स्वास्थ्य महाशाखा प्रमुख नरेन्द्र कार्कीले दिएको जानकारी अनुसार विहिबार मात्र प्रदेशबाट थप ७४ जना कोरोना संक्रमण मुक्त भएका छन् ।
प्रदेश स्वास्थ्य निर्देशनालय डोटीका अनुसार अहिलेसम्म सबैभन्दा कैलाली जिल्लाबाट डिस्चार्ज भएका छन् । उक्त जिल्लामा रहेका कुल संक्रमितहरु मध्ये १ हजार ७ सय ४४ जना निको भएर घर फर्किएका छन । त्यस्तै डोटीका नौँ सय ३६, अछामका नौँ सय १६ र कञ्चनपुरका सात सय २९ जना संक्रमित डिस्चार्ज भएका छन् ।
त्यस्तै बाजुराका ४ सय ५१ जना, बझाङका ३ सय ८९, बैतडीका ३ सय २८, डडेल्धुराका ३ सय १६ र दार्चुलाका ४६ जना संक्रमितले कोरोना माथी विजय प्राप्त गरेको निर्देशनालयले जनाएको छ ।