आशिष बहादुर सिंह, बझाङ / बझाङ जिल्लामा मानव अधिकारका क्षेत्रमा काम गर्ने विभिन्न संघ, संस्था तथा व्यक्तिहरुको सहभागितामा जिल्लास्तरीय मानअधिकार रक्षक संजाल गठन गरिएको छ ।
बिहीबार अधिकारकर्मीहरुको एक भेलाले दलित अधिकारकर्मी भीम रसाइलीको संयोजकत्वमा ११ सदस्य समिति गठन भएको हो । समितिमा अन्य सदस्यहरु गिता शाही, सिता सिंह, टेकेन्द्र बोहोरा, आशिष सिंह, अधिवक्ता शिवराज जोशी रहेका छन् ।
समितिमा पत्रकारहरु रिदम सिंह, अन्जु खड्का, सत्यराज सिंह, प्रताप आलीसहित इन्सेक प्रनिनिधी रमेश केसी रहेको संजालले जनाएको छ ।
त्यस्तै भेलाले सल्लाहकार समितिमा समेत गठन गरेको छ । सल्लाहकारमा पत्रकार बसन्त प्रताप सिंह, जगदीस रोकाया, नागरिक समाजका अगुवा धर्मजङ्गबहादुर सिंह, बार एसोसियशन बझाङका अध्यक्ष महोन दौल्याल र दलित अगुवा श्याम सुनार रहेको अध्यक्ष रसाईलीले बताए ।
उक्त कार्यक्रममा बोल्दै राष्ट्रिय दलित नेटवर्कका श्याम सुनारले बझाङ जिल्लामा मात्रै नभएर १२ ओटै स्थानीयतहमा मानअधिकार रक्षक संजाल गठन गर्नु पर्ने र मानव अधिकारका क्षेत्रमा सबैले आफ्नो ठाउँबाट लाग्नु पर्ने बताए ।
पत्रकार महासंघ बझाङ शाखाका अध्यक्ष जगदीस रोकायाले मानव अधिकार हनन् भइरहँदा पनि व्यक्तिहरुले मानव अधिकारका लागी त्यति आवाजहरु नउठाउने गरेको र आगामी दिनमा आआफ्नो क्षेत्रबाट पैरवी गर्नुपर्ने बताए ।
त्यस्तै पत्रकार सन्त प्रताप सिंहले मानव अधिकारलाई मौलिक अधिकारको रुपमा संविधानमा रहेको सबै मानिसहरुको गाँस, बाँस र कपासबाट बन्चित भएका मानिसको आवास समेत उठाउनु पर्ने बताए ।
संजालले भावि दिनमा जिल्लाको मानव अधिकारको अवस्था बुझी अन्य स्थानिय तहहरुमा संजाल विस्तार गर्ने र आफुले मानव अधिकार उलंघनका घटनाहरुमा तदारुकताका साथ काम गर्ने योजनाम रहेको संजालका संयोजक रसाइलीले बताए ।
