कपिलवस्तु / नेपाल विद्युत प्राधिकरणको कर्मचारी सवार जिप कपिलवस्तुको मोतिपुरस्थित कोइली खोलाले बगाउँदा एकजनाको मृत्यु भएको छ भने अन्य २ जना बेपत्ता भएका छन् ।
गुल्मी जिल्लाको तम्घास घर भएका जिप चालक माधव पाण्डेको मृत्यु भएको कपिलबस्तु प्रहरीले जनाएको छ । खोलामा आएको बाढीले प्राधिकरणका कर्मचारी सवार बा १ ञ १०८९ नम्बरको जिप बगाएको हो । उक्त जिपमा सवार तीन जनाले भने हामफालेर ज्यान जोगाएका थिए ।
जितपुरबाट पडेरियामा रहेको ट्रान्सफर्मरमा फ्युज बनाएर फर्किने क्रममा उनीहरु सवार जिप बाढीले बगाएको प्रहरीले जनाएको छ । सशस्त्र प्रहरी, नेपाली सेना र नेपाल प्रहरीको टोलीले बेपत्ताहरुको खोजी कार्य जारी राखेको कपिलबस्तु प्रहरीले जनाएको छ ।
